話說尋日就係三八婦女節嘅日子，為咗慶祝呢個節日，唔少旅遊景點、商店都會當日推出女性優惠，而喺陝西西安華清宮園區就有一樣好特殊嘅優惠，阿史就同大家介紹下啦！
華清宮喺歷史上就係唐朝興建嘅一座離宮，喺唐太宗貞觀十八年（644年）驪山興建，先係興建湯泉宮，後來經過大規劃擴建先至改名華清宮，而呢個地方亦都由係集溫泉以及行宮別苑於一身。華清宮因為唐玄宗同楊貴妃嘅愛情故事而聞名於世，而喺安史之亂後，華清宮逐漸荒廢，現時嘅遺址就有南及驪山西繡嶺第一峰，北到縣城北什宇，東至石瓮谷，西臨牡丹溝，都真係相當之大！
咁點解阿史冇啦啦要提呢個地方呢？原來華清宮景區喺38婦女節就推出一樣優惠，凡係姓楊嘅女性遊客持本人身份證就可以免費入場，真係估佢唔到！
原圖嚟自網絡